Saturday, January 4, 2020

1盒奶茶/檸茶 換二手配件第一彈

多謝曬!!

玩法: 只要Share 呢個Blog 到你Facebook Cap 圖Send 俾我 
就可以用1盒維他奶茶/檸茶 換領以下物品 每人最多兩件. 不定時新增物品. 

Rules: Please Share This Blog to your Facebook and send me Screen Capture,
Then you would use 1 Vita milk tea or Lemon Tea to Change 1item,  Will update item periodically.

1.尼龍耳機盒 跟1對細耳膠.
2.尼龍耳機盒 跟1對細耳膠.
3. S9+ 膠貼/
4.S9曲面玻璃貼
5. Sony XZ1 玻璃貼 
6. 2腳usb 火牛
7.自動感應小路燈







左起 
1. Giant 原裝Saddle (Done)!
2. Velo Saddle (City Bike 原裝)(Done)!
3. 上管袋 合5.2吋左右電話, 另外內有儲物空間
4. 快拆電話袋 合15cm左右長電話
5. 紫色腰包 帶有破損 21cm x 11cm Purple Bag Strap Defect
6. Dabomb 索帶安裝前泥檔 Mud Guard
7. 8-10cm micro usb 短線 1pc 
8. 藍色TB Parktool 款洗鏈器 Park tool Copy Chain Cleanser

Friday, January 3, 2020

唔係禁易架師傅 - 有海水化淡廠唔駛靠東江水?


(商報圖片)
網上熱傳水務署10年浪費十億東江水, 倒港幣四十六億落海
今次借以色列海水化淡做例子作出比較.

將軍澳興建第一階段的擬議海水化淡廠 第一期完工大約可提供5% 淡水,
全期完工後,理想產量可達10% (每日27萬立方米)

即使計埋每年倒5-6% 儲水落海, 對比現時東江水佔香港用水達70%, 即要起多一座大3-4倍既廠先有得攪, 耗資大概係10年東江水水費即可, 主要為覓地問題

以以色列為列

以色列人口為 8百多萬, 與香港 近似, 2001 年於全國計劃興建海水化淡廠, 現時已有5間海水化淡廠, 每年提供約6億立方米淡化水,相當於全國工業、農業以及居民日常用水總量的30%

(香港年耗水10)




有小間小編給做一下資料搜關小型儲水裝置可行性及希望大家睇完呢編文可以洗杯洗少幾秒,

沖涼沖少一分鐘, 又可以大家一齊諗下平時點再用水.




以色列
香港
人口
8.712(百萬人)
7.392(百萬人)



年耗淡水量
18億立方米
10.1億立方米
計劃海水化淡產量
6億立方米
1億立方米
海水化淡廠
5
1

Tuesday, December 31, 2019

耐久性騎乘體力補充概念

在耐久性騎乘時,適當時間間距為身體補充燃料極為重要.
如在高強度騎乘其間未能及時保充, 表現將會直線下降, 甚至另身體受傷無法完成比賽/活動

1小時500ml 水份補充. 可選擇電解質飲品. 單車專用水溶片, 或者自家製飲品
做法可參考: 半個檸檬汁 加上 1茶匙蜜糖 少量鹽 = 完成!

每45分鐘便要進食有熱量食物. 以下為部份騎乘途中推介.

能量膠因為獨立包裝, 成份濃度, 一邊啜著仿佛專業車手上身一樣, 因此廣受車友歡迎

關於GU Powergel 老司機肯定聽過一件懸疑MEME
就係買GU 一定要去飛球 更有講法平盡銀河系. 當中咖啡味深受車友愛戴回復體力又提神. 深水埗LOCATION CYCLE亦有很多特別味道,老闆很健談,好好人.講講下可能岩傾有少少DISCOUNT也有可能.

而SIS(Science In Sport) 通常會去屯門ANJOY CYCLE 或網上購買, SIS除左GEL, 水溶片亦很受歡迎,因為作為"講隊"要參加快腳大冷你可能食GEL的時間也沒有句號.


如果在香港騎行, 補給最方便當然是7-Eleven 便利店, 而便利店近年最方便除了有 INJelly, 下面提到香蕉以外, 最好食既其中一個選擇莫過於雀巢的朱古力能量棒. Must Try.
香蕉
香蕉的水分低、熱量高,含有蛋白質、脂肪、澱粉、膠質及豐富的複合碳水化合物(高達20%)以上,每根香蕉中含鉀量高達472毫克,鉀為身體重要電解質, 鉀的成份為百果之冠

果仁/乾果.
果仁部份如夏威夷果仁有著低碳水高蛋白質,高維他命,含多種礦第質優點. 作為日常小食以原味較適宜,而在運動途中可選擇鹽焗口味以取代其他鹽份流失.
乾果方面小編認為吉之島乾果脆小食, 杏甫乾, 



Monday, December 30, 2019

單車上Lock 特集 - 又要威又要怕跣低 SPD / Look 旅行鎖鞋Touring Shoes

相信唔少單車友踩一段短時間後都會有一進步空間既忐忑
我應否上鎖踏(Clipless Pedal)?

然而有一些大膽朋友甚至先上Lock先仆街, 零P(零速摔車)了再回頭懷疑人生, 我是否適合上Lock?


小編今次就為大家提供幾個安全方便為主, 效率為次既方案.

Look 是唯一一品牌生產了對應公路鎖踏而方便行走通勤的旅行鎖鞋

從此以外多年前亦發表了 Keo Easy Pedal, 一對以工程塑膠, 不設張力調較(8Nm固定)
彈簧的鎖踏.亦因結構簡單亦帶來240g 的輕量.


Look Touring Shoes 使用了嵌入式專用鞋碼, 使鞋底幾近全平狀態, 是市面上極方便的公路車鞋.



野牛單車有售價錢五百多元. 或可向代理 Anjoy Cycle 查詢.

另一個傳統比較安全方便選擇就是Shimano  的 山地SPD 鎖踏. 
歷史到現在已有差不多30年, 一直以來Shimano 的Gravel, Touring, Mountain Bike 並沒有像Look 那樣有特別的鞋, 鞋碼
,唯一選擇便是山地SPD 系統. 優點是 雙面上鎖, 超耐用, 防泥性能好, 鎖鞋為平底. 作為公路鎖踏代替品 又或者比較山地釘踏, 缺點是重. 就算是 XT 系列也可重達400g 一對.

Shimano 系列主要有
XC 級的 M520/XT/XTR 
AM/DH 級的  PD-M4XX/PD-M6XX/Saint
今天主要討論XC級的腳踏和代替品.


主要分為 有平台和 沒平台款式, 個人認為有沒有平台分別不大, 尤其穿普通運動鞋時, 
完全感覺不到平台有支撐作用. 但跌車對腳踏保護 或上鎖時應該有一點分別.


然而作為公路鎖踏200-300g Shimano 實在重了一點 所以小編跟一位修車同時賣配件的師傅請教過, 他的淘寶店為Shimano 鎖踏代替品多番測試找到以下代替品及發燒級鈦軸改裝.




台灣Exustar 浩捍 pm215



下一編 - 單車文章

Tuesday, December 10, 2019

債務重組 申請破產 律師選擇問題 借錢梗要環

有關網上有時有很多聲稱專辦破產(俗聲舉手)既律師,
收費特平, 而且名聲很像很大,電視日日播 "夜炸彈"律師(譚仔阿姐mode) 呢d 要小心, 因為一間好既律師樓係會幫到你慳好多時間同機會, 等破產人可專心工作或處理其他事情.

小編建議比較或留意以下幾點.

1. 價錢
2. 能否代上庭

3. 債權人好多時除左財務公司,銀行以外, 好多時會有朋友及親人, 一間好既律師樓應該當刻除左填表外,應替債權人整理借據及金額等等, 可以的話1式兩份. 


因為將來債權人將來要將證據交往破產管理署(下稱破署)好多時債權人係一段長時間後入數紙及電話訊息會有遺失 或甩色. 律師樓及債權人應第一時間將證據印多兩份, 留待破署


4. 截數截息. 要詢問清楚律師樓有能力在多少天能擬好律師信發文件同時發給銀行,持牌財務公司發放債人使對方能停止騷擾發截息,好讓破產程序開始後債仔可專心工作用薪金扣除還債, 


另外如遇到3線財務公司(會收中介費,利息可能以5日/7日10日 結算) 或 "私人無公司借貸" 律師樓, 警察都未必幫到你. 

佢地會繼續騷擾你,恐嚇你.
所以給要向此等機構及人士借錢是需要承受極大風險

宗告: 借錢梗要還, 咪俾錢中介

下一編



Saturday, December 7, 2019

光榮冰室 - 其實有個飯好食過叉燒滑蛋.

故事有d長,希望大家有興趣睇.
小編近幾年工作都在尖沙咀, 因為收入唔算高, 而且飯腳都是麻甩佬, 所以有不成文規定,如無特別原因就去50蚊以下餐廳做lunch. 50蚊以下?禁平堅定流呀? 其實尖東果半邊尖沙咀有好多選擇, 而海港城果邊就少d. 以前海港城經常去海防道臨時街市 東園餐廳. 而家暫時搬左去亞士厘道. 街市裝修近1年. 2020 年 3月左右會開番.

講番光榮, 小編一行人早在半年前已經開始食, 果時初開, 午餐6個只有2個好食, 最出名當然係叉燒煎蛋飯同蔥油雞扒飯. 而小編覺得早期蔥雞飯係麻麻地, 熟油太多.

亦係開店初期, 有一日小編又到光榮lunch 叫左個椒鹽排骨飯, 一黎到,心諗呢個咪台式酥炸排骨?
加左避風塘式配料但完全唔入味. 我好少食淨野, 但果次我食左4成就食唔落, 埋單仲食家上身俾錢果陣同收銀講, 椒鹽骨唔係錦整架,你唔好出呢個餐啦, 說話都未講完另一個執枱既已經將我果碟野收番入廚房準備倒, 老闆娘見到碟飯淨番禁多, 驚訝地說: 點解碟飯剩番禁多架? 個客呢? 係咪有問題呀?

我聽到老闆娘主動問,我就埋去講兩句: 係呀, 有d乾同有d 硬食唔到呀, 椒鹽排骨人地整有豆瓣醬有鼓油果d 少少濕濕地個喎. 老闆娘話你食禁少咪好肚餓囉? 駛唔駛整個包俾你拎番公司食呀? 我果刻覺得呢個老闆竟然禁關心個客既感受同係咪食飽我真係好感動, 需知我同佢萍水相蓬,以前佢亦未serve過我. 我覺得呢間野一定會愈做愈好.

到後來再叫蔥油雞, 無再油淋淋,好食左好多, 椒鹽排骨未有機會試印象中見過好似做法都改左,
由6個得2個好食而家普遍6個有5個都OK.

而小編想超級勁推既係 光榮既沙爹牛滑蛋飯, 呢個我夠膽講好食過所有炒蛋類既飯, 有次無餐散嗌叫錯左無蛋的. 估佢唔到一樣有99%禁好食.

所以有時有人話撐黃既都係盲目, 但我想講用心造野係有人睇到.
PS: 之前食過幾次紅X冰室, d野真係差, 所有扒都用梳打乸到俐都鞋埋. 好(唔)好彩而家執鬼左
估佢改過個名都會再黎過, 希望佢會做好d.

今次懲罰黃店其實小編都見過有d 平時死位因為老闆黃, 質素明明無上手禁好但生意都好左好多, 希望佢地可靠呢個機會可以再造好d. 加油.

光榮冰室 - 喜歡這地方早在黃藍之前





下一編: 生於亂世裹有種責任 - 黃大仙超平美食