TVB 無論在天涯海角拍戲都要番黎鳳凰村 買飯盒

香港地, 在屏風樓, 大商場政策下, 新區十居其九已不復見地鋪踪影, 

而唐樓區就成為

香港人最後既後樂園.

早前朋友閒談之間, 認識左一位幫電影電視圈做跑腿既朋友,

講起無記劇組買飯既故事, 令我有呢份熱情講下我由世住到大既鳳凰村有咩新舊

既搵食好地方(截至2015, 有幾間太新入面得幾個人, 所以未食過)

(2016,9月更新, 鳳凰燒臘人士好似出左d問題, 叉燒硬到掉死狗,

傳聞佢地仲走去茶餐廳問人點醃肉可以淰d, gosh) 有呢方面知識 既朋友有興趣麻煩幫幫佢

首先講下"環鳳三連星" (鳳凰燒臘,梅園餐室, 雄興打冷)

其實鳳凰村出名燒臘不嬲有兩間, 第一間係雙鳳街英都, 一直以蜜汁叉燒(同冰花燉蛋,我覺得)馳名, 但因為名氣始終焗限於我地條村, 果時又未有上網, 所以我個人覺得佢未算衝出鳳凰村,以前每逢拜神都係打曬蛇餅一早去都只係買到"沙厘督"的

後來傳出鳳凰燒臘係電視台都黎買飯, 禁啱又有左openrice,fb, 就令佢彈起左.

直到後來我先知TVB買飯既故事是錦的:

其實TVB 同 拍電影 有時都會用同一班 師傅(我忘記左佢係做PA定乜),

由於鳳凰出名所以如果在附近拍攝的話都會在鳳凰買,

但有一次在赤柱開戲, 師傅求其在港島買幾十個飯盒, 點知番到去d 姐仔, 一打開盒飯是臭的.

個師傅知道後二話不說就飛番黎鳳凰買過. 而且無收番Crew 錢,

而呢件事之後, 都試過一兩間是工場交黎既燒臘, 本身用唔靚,燒好擺一陣就臭

師傅話: 你如果睇佢d 叉燒特別多蜜汁,  錦你就要嗒真d, 可能佢d 肉唔靚, 

試清楚有問題下次就唔好買. 自此之後, 佢地幾個相熟師傅真講過無論去到天涯海角, 赤柱,南生圍

都唔會搏一定番黎鳳凰買飯盒. 仲有一個FB奇聞就係

(唔知點解入到南生圍，盒飯都仲係熱，好神奇)

(我後才仲聽過TVB 會0係土瓜灣佢地租Equipment 既公司附近訂飯盒,不過有機會先再講)

                    再數落去第二間梅園餐室, 都係黃大仙開左有20年, 以前鳳凰村有3間梅園, 一間係餐室, 隔離係梅園粥鋪煲仔飯, 斜路落去有間"黑店" 梅園餐廳, 佢裝修真係好黑, 當時入面有 比較高級西餐食. 而家粥鋪已結業, 變成第三星雄興. 黑店頂左俾第二個老闆, 以前高級西餐既風骨已經無左.

淨番梅園餐室, 算係keep 到當時人腳, 一入到去最唔起眼但一講又會醒起既莫過於"威尼斯人"

藍天白雲天花. 近十年澳牛同華星開左之後流行 "炒蛋文化" 一時又話邊度奄列好食, 一時荃灣全港最正, 但講火腿奄列, 我真係未見過一間整得好過梅園, 而且呢十年我星期六日都會黎食特餐, D 手勢十年如一日, 可惜福麵條Formula 就keep唔到嚕,
無以前禁好食, 梅園d 野總體值 9分, 淨番果1分係d 胡椒粉唔好味. (笑)

                                     咖哩雞扒飯                                           魔鬼炒飯 (蒜香)

梅園既必食推介有以下幾樣

1. 特餐. 餐肉麵(煎完上枱滾油仲起緊泡) / 沙爹牛肉麵 / 叉燒麵 (應該係鳳凰叉燒)

奄列

多士後上( 奶油多/奶醬多 加2蚊半份, 油多加一蚊份)

餐茶 ( 茶啡鴛, 檸茶都係無得輸) (約 36蚊)

2. 快餐定咩餐 咖哩雞扒飯, 呢度d 咖哩落左好多青椒所以青青地色, 好特別 (約 35蚊)

3. 叉燒煎蛋飯 (約 35蚊)


雄興打冷
再數落第三間,雄興打冷, 又係一間值得感恩既潮洲餐館. 今時今日, 3,4個人打冷, 開1,2支平啤酒,埋單仲可以係60-70蚊一個人 (店內有好多潮洲冷盤只係 35-40蚊碟不過果d 小食)
唯一既就係如果d 餸果日失手你可以俾意見, 我深信佢地一會改, 但你想佢果日換過碟或者唔收你錢就有d 難度.
早排同老闆傾計, 佢得意揚揚錦講, 佢除左野好食之外, 衛生情況都係佢自豪既地方, 每日開工收工自己都會早到遲走大洗一番, 更說唔信問下食環. 
反正我信了, 要睇一間食肆乾唔乾淨其中一個指標就係果度有無烏蠅仔,我0係雄興一隻都未見過.

強烈推介:
1. 蠔餅
2. 老水雜拼 ( 主點辣椒油)
3. 蠔仔粥 (蠔仔好大隻)
4. 豬紅  ( 入味, 爽, 無渣,韮菜好滑)
5. 神奇炒蜆 ( 新鮮, 粒粒都有肉)

推介:
1. 鹽焗雞( 肚位較咸, 整體都係好食)
2. 炒白菜仔

三連星上少少, 新開鳳池辦館
一支水動樂 6蚊, 相信其他野飲都好平.唔駛再去OK 7仔

聯興 (有室外呼吸位, 睇單車位)

最近同單車友經常去既茶記 (三連星再上, 公園對面)

推介 

1. (撞餐) 沙爹牛米/麵 (以前佢用霸王花米粉, 呢年轉左無禁好食)

    奄列, 蒜蓉包

    餐飲 (呢度d 野飲係用高身水晶膠底杯)

價錢 只係 29蚊左右 ALL DAY BREAKFAST PRICE

有一次伙計落單落錯左肉丁麵,奄列 落成了肉丁奄列

將錯就錯吃了, 都幾好食. ps: 價錢一樣, 但大份少少,多一片蒜蓉包

生於亂世裹有種責任 - 黃大仙超平美食
http://weirdjun.blogspot.hk/2015/10/blog-post.html