借錢梗要還, 咪俾錢中介 財仔 收數手段 轉 Wevee Hk

Update:
以下這些字眼, 一聽到即收線或者給他一個親切問候便可以

備用信貸額, 購買力, 循環備用現金, 預先批核信貸額支票

https://www.facebook.com/groups/148202800668/permalink/10150540888335669/

讓市民看清楚銀行財務的真面

請各位將以下文章四處張貼

讓市民看清楚銀行財務的真面目

A.為何銀行財務不以法律途徑解決追數問題

一來諗住慳cost，費事未追到已經蝕咗六、七千銀律師費；二來係因為法庭出咗判令的話，銀行只可以收法定利息，頂盡十一、二厘年息左右，唔可以根據信用卡合約裡面咁，將條息有咁大作到咁大(信用卡年息最平都廿四厘啦！)，日日計、日日『大起釘』；仲有咩收數費、律師費通通都無得追（因為 Default Judgment 好多時只係判千幾蚊 Fixed Cost，無得收足全數律師費，更加唔好提收數費筆狗糧錢）。而且好多時個官又問長、又問短，銀行又解唔到畫（通常都係問條數包括幾多瓣charges同點計，點解律師信claim個銀碼大過張writ咁多，點解要收呢樣費、嗰樣費，諸如此類)

好多時銀行即使係上Court都會先喺張 Writ 作大條數，博個官唔睇嘅！但係個官睇到銀行作大而且又解唔到畫又媽到飛起，而且會因為浪費法庭時間而唔判堂費。

B.全港既收數公司(收銀行財務數)常用合法追數手段 (所謂合法即暫時未有條例監管、由保安局局長李少光默許)

1.每天電話滋擾欠債人公司四十餘次（有些個案高達超過一百次）

2.每天十餘次以電話滋擾資詢人

3.寄出匿名信件並附有數張溪錢給欠債人及其鄰居

4.尋仇式上門叫囂

5.尋仇式粗口問侯

6.以强力膠水貼大字報

7.滋擾欠債人鄰居

8.電話滋擾及威嚇欠債人家、手機

9.買通有關機構 / 公司職員,洩露欠債人資料及通話紀錄

10.電話滋擾及威嚇欠債人通話紀錄上之所有人

11.用欠債人id no及姓名等資料四處上網或打電話扮欠債人起料,尤其專科在強積金公司起料

12.去欠債人手提電話個網上a/c,博欠債人冇改網上password(因password預設係債仔id no),然後hack入去睇人地電話打出打入紀錄,跟住再逐個電話no打去粗口滋擾

13.在電話威嚇欠債人家人,半暗示式要求家人代其還錢

14.上欠債人門 (家/公司),遇見老弱婦嫗會兇狠踢門踢閘,大叫邊家人爭錢唔還及亂按鐘/拍左鄰右里門

15.如債仔家冇人,便將垃圾放在債仔門口,用硬物劃花債仔家門或牆壁,將債仔門口的土地神位或拖鞋等物件掉去垃圾筒或放在鄰居門口的中間,用萬能膠貼大字報,用鉛筆或原子筆在牆壁寫上追債字句

16.用儲值卡及電話亭打出刑事恐嚇電話比欠債人

17.糾黨上欠債人家尋仇及推大肚婆落地

18.在咨詢人家一次貼數張大字報,令咨詢人被人誤會欠債

19.如欠債人是女性,則寄出匿名侮辱信件(例如侮辱欠債人為妓女,寫上住址及電話等)給債仔及其鄰居

20.上門時用消防喉噴濕欠債人及其鄰居家門，甚至把消防喉開啟後放入債仔家門，引至水浸

21.將空的油漆罐放在欠債人家門

22.用香口膠塞匙孔

23.上門時如遇有鄰居出入(老人家或主婦),會惡言相向及恐嚇小心出入

24.不斷以粗口致電欠債人及其公司，完全沒提出還款要求，亦不會透露所欠款項款額及債主是誰，只會叫欠債人"心照"，純綷為滋擾而不斷打出電話

25.如欠債人是女性，則不斷致電欠債人，要求欠債人或其女性家庭成員做妓女來償還欠債

C.為何向金管局、銀行財務、警察等投訴後滋擾仍舊?

1.金管局未有任何實質權力監管銀行財務,對銀行財務只能勸喻

2.銀行財務內部有一部門專門監察其委託之收數公司,泛稱為OA team,此等部門人仕與收數公司關係密切,收數公司會向他們提供一切利益,如免費飲食、玩樂、消遣、召妓甚至相約在麻雀枱上故意輸錢作行賄賂,而OA team給收數公司的回報就是派多些case給他們收數,遇到債仔投訴收數公司便努力淡化,大事化小,小事化無,用盡一切方法保障收數公司

3.警察內部有一些人與收數公司是相熟的,如債仔報警後,收數公司是相熟的,便會對其加以照顧,收數公司收斂數日,但日子一過,滋擾仍會依舊

4.警察部內亦堆積了無數同類案件,根本無從解決

5.政府全面否決法改會的＜規管收債手法咨詢文件＞,令收數公司有持無恐之餘,警察亦没有法例依據去檢控收數公司

6.收數公司有專業律師教導收數員如何避免滋擾人時留下証據,及如何在法律邊緣對欠債人作出最大打擊

7.普遍人誤以為欠債需要受上述對待

8.因為全個警察部,包括放債人牌照科都要睇上頭意思,而d呀頭又同呢d財務公司、銀行、收數公司老細friend過打band,所以收數case永遠都有,不過無一單會去盡力調查,咁既然查唔到,咪即係無非法收數囉!

(請閣下唔好天真到以為真係冇做非法野)
大家見過各大銀行及大型財務公司非法收數的檢控案例了嗎?沒有吧?!因為朝中有人照住,萬大事都有警察部、保安局、金管局班高官頂住,大把藉口啦,証據不足又可以終止調查,有証有據亦可以話無証據終止調查,所以話淋油鎖鐵閘洗乜驚?唔係即場斷正的話,基本上每一單都係無頭公案!

D.法庭不會判收數費、手續費及高昂利息等給債主

法庭絕不會判收數費、手續費俾任何債主（唔止銀行財仔，業主立案法團追管理費都係），事實勝於雄辯。根據資料，最少有兩個個案係：銀行收咗收數費後俾債仔告，要銀行嘔返收數費出嚟！

最後銀行庭外和解，賠償結案！有 Case 的話，銀行唔駛撩 settle 啦！只怕銀行輸咗的話，個case便成有效案例，於是全香港俾過收數費嘅前債仔一齊告銀行，全香港銀行就大件事！

根據高等法院案例 HCA013228 of 1999，銀行嘅收數費用係唔合理嘅。如果銀行要追的話，叫銀行上法庭追啦！

E.財務公司真的無王管?

大家日常生活中,最易接觸到的,除銀行外,相信非財務公司莫屬,電視、報紙、雜誌、甚至街頭推銷,廣告攻勢非常凌勵,若市民手緊等錢用,要應急的話似乎非到財務公司借貸不可,但大家借貸前,有否先考慮自己還款能力?這點我相信任何一個申請者都會經過審慎考慮,不過..........大家有否
留意到,財務公司是否有法例監管其營運手法、利息制定等等?

我可告訴大家,除了法例規定"年息不得超過60厘"及一個叫做警務署"放債人牌照課"外,基本上沒有任何條例及政府機構監管財務公司的,可以大膽講句,只要他們不觸犯"年息不得超過60厘"批出貸款,即以年息59.9厘批出貸款便可為所欲為,包括營運及收數手法等等............

其實在年息超過 48 厘的情況下，欠債人是可以向法庭申請重新判定借款條件，包括利息計算；但欠債人已經窮到要借財仔，仲邊有錢打官司？

由於財務公司無需太注重名聲,若遇有客戶財政困難導致延遲還款,他們的收數部門及委託的收數公司便會極有效率地日夜粗口電話滋擾、上門臭駡欠債人、滋擾咨詢人等無所不用其極,其他滋擾手段請參考B項,若然遇有客戶申請破產,由於財務公司心知到借出款項已無法收回,更會在法庭對欠債人發出破產令之前的一段時間,委託收數公司肄無忌旦向欠債人作出無窮無盡的滋擾,以求出氣...........

亦是對欠債人的警告,我們不是善男信女,我們財務公司收不到錢,你出破產令之前一定不會比你有好日子過!!

大家經常在電視看到廣告的數間大型財務公司,就是常用此等手法對付欠債人,至於在報章雜誌所看到的中小型財務公司,大家更需常備一些工具在家,例如起漆水及剪鐵練鉗等等,還有一點要提醒大家,此等中小型財務是不會理會你是否已破產的,造成"你有你破產，我有我照追",想報警嗎....?我200%同大家講.........警察也理不到!!

可能大家會問,香港還有"金融管理局"的,怎輪到財務公司胡作非為?

那我又可以好肯定和大家講,金融管理局是没有任何條例或權力規管財務公司的,亦即是話無王管!!!!!!

大家還敢向財務公司借錢嗎?除非閣下能肯定自己在還款期內不會突然失去工作,失去收入,不會有病及任何意外.....也不要妄想破產可解決得到!

當各大銀行及財務公司積極推廣信用卡或借貸服務，並聲稱自己的服務如何現代化、如何體貼細心為你之同時，其處理客戶欠款之思想與態度及咀臉仍是停留在封建皇朝時代之大地主一樣，唯獨是追數的滋擾手法在每日與時並進，緊貼著科技進步以逃避法律責任，可恨的是社會上有部份人，甚至是政府高官，仍是有那種父債子還、爭人錢就要比人搞，欠債人都唔可以出一句聲的心態，見保安局局長李少光全盤否決法改會之"規管收債手法建議"、金融管理局無權規管銀行、冇一個政府部門能夠有效監管財務公司、警察遇到收數案件只會備案而不會調查就能理解，香港是由銀行財務等大財團操控，堂堂一個香港特區政府竟然冇能力幫助受欠債困擾、被收數公司滋擾的當事人及其身邊的無辜人仕，只有靠這個網上討論區及各熱心版友去幫助，請問特首曾蔭權先生你如何強政勵冶？如何叫人相信政府不是官商勾結？如何叫人相信政府不是在分化社會？如何能配合中央政策建立和詣社會？